Мемлекет басшысы Қ.К. Тоқаевтың 2022 жылғы 11 қаңтардағы саяси және әлеуметтік-экономикалық салалардағы өзекті мәселелерді шешу жөніндегі бастамаларын қолдау мақсатында кітапхана оқырмандарымен «Халықтың табысын арттыру» ақпараттық сағат

№4 қалалық кітапхана Мемлекет басшысы Қ.К. Тоқаевтың 2022 жылғы 11 қаңтардағы саяси және әлеуметтік-экономикалық салалардағы өзекті мәселелерді шешу жөніндегі бастамаларын қолдау мақсатында кітапхана оқырмандарымен «Халықтың табысын арттыру» ақпараттық сағатын өткізді. Іс–шара барысында қатысушылар өз пікірлерін білдіріп, Қазақстан Президенті Қасым-Жомарт Тоқаевты қолдады.

Мемлекет басшысы Қ.К. Тоқаевтың 2022 жылғы 11 қаңтардағы ҚР Парламенті Мәжілісінің отырысында айтылған саяси және әлеуметтік-экономикалық салалардағы өзекті мәселелерді шешу жөніндегі бастамаларын қолдау мақсатында талқылау

Бүгін орталық аудандық кітапханада Мемлекет басшысы Қ.К. Тоқаевтың 2022 жылғы 11 қаңтардағы ҚР Парламенті Мәжілісінің отырысында айтылған саяси және әлеуметтік-экономикалық салалардағы өзекті мәселелерді шешу жөніндегі бастамаларын қолдау мақсатында талқылау өтті. Талқылау барысында спикерлер Қазақстан Президенті Қасым-Жомарт Тоқаевты қолдап, өз пікірін білдірді.

«Жаңа дәуір көшбасшысы» және «Тұлға. Елбасы.Тарих» атты кітап көрме

Оқжетпес мәдениет үйінде 1 желтоқсан – Тұңғыш Президент күніне орай мерекелік іс-шараға Бурабай ауданының орталықтандырылған кітапханалар жүйесі «Жаңа дәуір көшбасшысы» және «Тұлға. Елбасы.Тарих» атты кітап көрме ұйымдастырды. ҚР Тұңғыш Президенті Нұрсұлтан Назарбаев – мемлекеттің бірлігін, конституциясын, адам мен адамзаттың құқықтарын және бостандықтарын қорғауды қамтамасыз еткен жаңа тәуелсіз мемлекеттің негізін қалаушы.Көрмеге Елбасының тәуелсіздік жылдарындағы жүріп өткен жолы, жетістіктері жайлы еңбектері қойылды. Іс-шараға келген қатысушылар, қонақтар Елбасының балалық шағынан бастап, бүгінгі ерен еңбектері қамтылған кітаптарымен таныстырылды.

“Адалдық айнасы” атты сыбайлас жемқорлыққа қарсы құқықтық ағарту сағат

Сыбайлас жемқорлыққа қарсы тәрбие бойынша іс –шаралар аясында №2, №3 қалалық филиалдар №7 мектеп-лицейінің 9 “А” сынып оқушыларымен “Адалдық айнасы” атты сыбайлас жемқорлыққа қарсы құқықтық ағарту сағатын өткізді. Іс-шара барысында балалар Қазақстандағы сыбайлас жемқорлыққа қарсы мемлекеттік саясат, сыбайлас жемқорлық қылмыстары үшін жауапкершілік туралы біліп, сыбайлас жемқорлыққа қарсы іс-қимыл бойынша ролик көрсетілді. Балалардың назарына адалдық пен парасаттылыққа шақыратын сыбайлас жемқорлық жөніндегі әдебиеттер , буклеттер және ақпараттық парақтар ұсынылды.

Белсенді оқырмандарды марапаттау рәсімі

Бурабай Орталықтандырылған кітапханалар жүйесінің ұйымдастыруымен Орталық аудандық кітапханада белсенді оқырмандарды марапаттау рәсімі өтті. Кітап сүйер қауымы рухани ойлау дәрежесі биік, мәдениетті, парасатты оқырмандар ретінде танылып , құрметке ие болды. Іс-шара барысында бейне ролик көрсетіліп, оқырмандар алған әсерлерімен бөлісіп, тілек- лебіздерін білдірді. «Артық ғылым кітапта, ерінбей оқып көруге» дегендей кітап сүйер оқырмандарымыз көп болсын.

«Сен Қазақстанды білесің бе?» атты интеллектуалдық ойын

Отанға деген сүйіспеншілікті дамыту мақсатында, Қатаркөл ауылдық кітапханасы, «Сен Қазақстанды білесің бе?» атты интеллектуалдық ойын өткізді. Кітапхананың жас оқырмандары қазақстан тарихы, мәдениеті және атаулы күндері бойынша білімдерін көрсетті.

«Менің Отаным – Қазақстан» атты поэтикалық композиция

Қазақстан Республикасы Тәуелсіздігінің 30 жылдығына орай, №4 қалалық кітапханасы №10 мектеп-интернатының 3 “а” сынып оқушыларымен «Менің Отаным – Қазақстан» атты поэтикалық композициясын өткізді. Іс-шара барысында оқушылар Отанымыз туралы өлеңдер оқып, үздік оқырмандарға грамоталар табыс етілді.

“Тәуелсіздіктің 30 жылдығына арналған көрме-инсталляция”

Тәуелсіздік құндылықтарын насихаттау, өз еліне мақтаныш сезімін ұялату, патриотизм мен азаматтыққа тәрбиелеу мақсатында Бурабай ауданының орталықтандырылған кітапхана жүйесі Қазақстан Тәуелсіздігінің 30 жылдығына арналған «Ақмола жұлдыздары» облыстық халық шығармашылығы байқауында тәуелсіз мемлекеттің тарихы мен жетістіктерін көрсететін «Қазақ елі», «Бәйтерек», «Тәуелсіздік монументі» монументтерінің макеттерімен үйлестіре отырып, көлемді көркем композиция жасап, қызықты, ерекше кітап инсталляциясын ұйымдастырды.Сондай – ақ, көрмеде сағат макеті көрсетілді, онда циферблаттың орнына «Қазақстанның жаһандану бастамалары», «Қазақстан-спорттық ұлт», «Қазақстанның ұлттық дәстүрлері мен мәдениеті», «ғылым және технологиялар», «ұлттық бірлік, бейбітшілік және тұрақтылық» және т.б. тақырыптар бойынша еліміздің Тәуелсіздігінің 30 жылдығына өткізілген іс-шаралардың 12 фотосуреті көрсетілді, оларда арнайы QR-кодтар орналастырылған, олардың көмегімен телефонда QR-кодтарды сканерлеуге арналған қосымша болған кезде біздің іс-шараларымыздың фотосуреттері мен, сондай-ақ жылдың атақты мерейтой иелері: жыр алыбы Жамбыл Жабаев, күйші Дина Нұрпейісова, педагог-ағартушы Ыбырай Алтынсарин, ақын және жазушы Мұқағали Мақатаевтың кітаптары қойылған.

«Теңге шежіресі» видеоролик

15 қараша – Ұлттық валюта күні құтты болсын!Теңге – біздің дербес ел болғанымыздың белгісі . Ұлттық валюта – еліміздің даму көзі, әлемдік деңгейге теңелудің алғашқы факторларының бірі. Ол барлық уақытта тәуелсіздігіміздің қамтамасыз етеді.Қазақстан Республикасының Ұлттық валюта күніне орай, орталық аудандық балалар кітапханасы «Теңге шежіресі» видеоролигін ұсынды.

«Кітапхана тәжірбиесі: Оқу. Дамыту. Насихаттау» атты семинар-практикум

Орталық аудандық кітапханада «Кітапхана тәжірбиесі: Оқу. Дамыту. Насихаттау» атты семинар-практикум өтті. Семинар басында облыстық семинардың слайдтары көрсетілді. ОКЖ директоры Н.К.Рамазанова «Кітапхана жұмысының негізгі бағыттары мен түрлері» баяндама жасады. Әдістемелік- библиографиялық бөлімнің жетекшісі З.К.Уразалимова «Ұрпақтар жалғастығы» жобасының жұмысымен таныстырды, библиограф А.К.Абдыгужина «Өлкетану қоры – сандық форматта» жобасы туралы ақпарат берді. Орталық аудандық балалар кітапханасының жетекшісі Г.Т.Апенова «Досым оқыған кітап» жобасының жұмысын көрсетті. Толықтыру және өңдеу бөлімінің жетекшісі Е.М.Орлова «Функции управления библиотечным фондом. Планирование» кітапхана қорларымен атқаратын жұмыстарға тоқталды. Семинар барысында үлестірме материалдар таратылды. Оқырмандарды қызықтыратын танымдық онлайн-ойындар практикумы өткізілді. Кітапханашылар көптеген пайдалы және мазмұнды ақпараттар алды.